يا شمس غبتي وغاب اللي تمنيته
والليل جاني بهم ولوعه وفرقا
والصبح يبكي من المشرق وعزيته
في جدي اللي مغيبه حزن للورقا
اذكره في مسجده واذكره في بيته
واذكره لقالوا الضيفان من نلقا
يا جد يا اللي بحزن الصوت ناديته
بعدك ذبحني واحس بداخلي حرقا
يا موت وجه السماحة عني اخفيته
واخفيت عني كريم الاصل والمنقا
وينه غدا جدنا اللي فارع صيته
اقفى ونومي بعد فرقاه لي سرقا
يا مشبب مشبب اليا مني اطريته
تسبقني الدمعة وخدي لها مرقا
دعوات جارك وضيفك يوم خليته
عسى بكثر الدعا من كوثره تسقا
يا لله يا من شرع فرض وصليته
تجبر عزى قلوبنا اللي جات لك شفقا
