يا بنت حسي كان في قلبك إحساس

لا يطول صمتك قولي اللي تبينه

صمتك عذابي يا عذابي من الناس

ردي علي بحساس نفسي حزينة

من كثر صمتك داخل القلب هوجاس

يسري بقلب مشقياته سنينه

ردي لمن هو طاويٍ قلبه الياس

ويرجي يمينك تمتلكها يمينه

يا بنت شوقك دنيته كلها إفلاس

ما له جدى يا كود صفقة يدينه

يوم حبك داخله ما له إقياس

وانساني أغلى الناس لا تمنعينه

من كثر حبك يسهر الليل محتاس

مع سهر ليله تدفق الدمع عينه

ردي على من هو رفع هامة الرأس

ما فيه شيء في حياته يدينه

هذا اعتراف اللي يحبك بكراس

دون لك اللي صار لا تحرجينه

تكفين شوفي حالته كلها إتعاس

ردي عليه وزعلي حاسدينه

يا بنت ناقوس الخطر دق الأجراس

بالله يا قماشة متى ترحمينه