ياما.. وياما

ياما.. وياما

أصدق بحبك تعال وكفن احزاني

لاصرت فعلاً تحب وخاطرك فيني

لاشك أشوف العذاب وهجرك أشقاني

ياما وياما مسحت الدمع بيديني

حاولت ابنساك لولا انك تبلاني

حتى من النوم توقظني وتشقيني

صارت حياتي بدونك شكلها ثاني

مير اني ارفض تبعدني وتدنيني

اعز نفسي ولايحتاج تحداني

على دروب بها يازين توذيني

احب اشوفك معي ياكل وجداني

تامر وتنهى وتاخذني وتعطيني

من قلب يعلن خضوعه لي ويهواني

يقسم بربي وربه مايخليني

حتى لو ان الخطا يلهج به لساني

او اني آله عليك وتعشقك عيني

محمد بن عبدالله الوهيبي

أعلـىالصفحة

رجوع