ما نيب ميت لا نسيتي غرامي

بابكي عليه ايام لاحد ما انساه

يابنت ماني واحد انهزامي

قلبي واعرفه لا زعل ما قدر انهاه

قلبي على قربك.. يجي له هيامي..

أول صار الحين يا قو فرقاه

عطيتك أكثر من جميع الانامي

ذي غلطتي وأعرف أنا داه.. ودواه

الحين والله ما يجيبك كلامي

والى ذكر قلبي جبرته وينساه

زولك كرهته لين صار انعدامي

ما عاد لك في وسط قلبي بقاياه

تأكدي لو شفت زولك أمامي

ما هلت دموعي ولا صحت ويلاه

ولو سلمت.. عينك فلا به سلامي

نزهت نفسي عن ملاقاك.. عزاه

طمنت قدرك لين شفتي مقامي

فوق النجوم وقدرك.. تراب واطاه

ياما نصحتك لين.. خلّص كلامي

قلبي.. واعرفه لا زعل.. ما قدر انهاه