انا وايا العصيمي كيف ظعنا داخل الطوشه

وابو غليون ولع جمرته في راس غليونه

ترى بعض الاوادم يحسبن الملعبه هوشه

سوات الموتر اللي سايقه يلعب دركسونه

ليا صلعت راسك عندنا ندهن لك الشوشه

والا يا ربع ابن شلاح قولوله على هونه

انا ماني براعي باعة بالسوق مغشوشه

اصرفها. واحرفها تجي وتروح مزيونه

بعد حنا كتبنا لك حروف الخط منقوشه

نبي رد الجواب ودهنكم في جوف ماعونه

وبعد شفت الجنازه في سرير النعش منعوشه

نوسع قبرها واللي وراه يحول من دونه

تلبس من ثياب بالعطر والورد مرشوشه

يابن شلاح لا ترجع غليص اللي يقولونه

دخلنا في بيوت من خيار الزل مفروشه

وحطينا الامانة في يدين ارجال مامونه

عليك الظله اللي دون عين الشمس منكوشه

وانا خايف عليك من المطر لاهلت امزونه

لقينا جدة المجنون مجنونه ومربوشه

وانا ماني مفتش قشها في جوف كرتونه

لقيت الحاجه اللي عند ابن شلاح مخشوشه

مغير يشيلها ويحطها ويقول ملعونه

لك الله ما نخلي لك ياكود اعظام معروشه

ولو خلصت روحك يوم ثاني يوم مديونه

حصاة الزنقرة ما تزعل الا خشم نتوشه

وانا خابرك طيب والحرامي تكحل عيونه

قنصنا للنعامة وانها بالملح منحوشه

من سلاح العيال اللي قطرها ما يخونونه

تبات الناس عنك بخير تصبح منك ملبوشه

واثر كبدك عليهم من قديم الوقت مغبونه

جمال عقيل مرت مع مفيض الريع محيوشه

وراعيها يدور للتمر في رأس عرجونه

علامك يالرحى خليتها كسره ومجروشه

يبا يدخل ويطلع حبنا صافي على لونه

مفاتيح الكفر في داخل الكماش مكموشه

تداير فالكفر يومين وازريتو تفلونه