هلت دموع العين وانكب ماها

تبكي على فرقى وبعد الاحبه

تبكي حبيب بالمودة نساها

تبكي زمان شره بوسط عبه

تبكي نهار فات جاها بلاها

تبكي نهار فيه هدم المحبه

تبكي عيوني كل هم غشاها

والجسم ماعاد له عظم يضبه

بنت يزود ونوب ينقص غلاها

امدح وليفي ثم اعود واسبه

قصة غريبة تعجب اللي قراها

قصة تحد العين دمع تكبه

روحي جريحة تعجب اللي دواها

ضاعت حياتي بين غبة وغبه

وايام عمري عندي يبدا عزاها

فاتت وماتت كل فرحة محبه

لكن اقول الله حسبي علاها

وياخذ بحقي منه ربي وربه