ياصاح جربت جيل وباقي جيل

ولا فيه دون الكرم يا صاح معذار

هات الحطب للوجار وللمعاميل

ترى طراة الليالي شبت النار

وسوق العويدي وسوق البن والهيل

والعود الازرق وراع الكيف يختار

وخل السوالف تدور مع الفناجيل

وقل للمسير يجي والضيف والجار

وخص الفناجيل لزحول الرياجيل

ترى الرياجيل فيه صغار وكبار

ما كل رجال بالمجلس له الكيل

حتيش لو جا مع الزوار وش وصار

ودنياك هذي تراها أم البهاذيل

يكفيك منها ريال وربع دينار

أن أقبلت في حياتك كنها السيل

وان ادبرت ماخذت من عندك الشار