حي الله اللي عاد واستبشرت فيه
ام المكارم والجميع افرحوا به
العاصمة بقدومه الحب تبديه
قالت هلا واللي بها رحبوا به
عذب المشاعر من فرحها تغنيه
وقصر اليمامة سادته شرفوا به
وكل الوطن من قلب واحد يحييه
غربه وشرقه والشمال وجنوبه
شعب زعيمه للحضارة يعليه
وحبه وتقديره رسخ في قلوبه
قايد مسيرتنا عسى الله يهنيه
ساس الفخر عز الوطن ومحبوبه
مليكنا اللي يرفع الرأس طاريه
كل المشاعر تتجه حب صوبه
فهد العرب وأسمى المعاني مباديه
مجده وتاريخه شرف وافخروا به
يا عظم وقفاته وماكثر حسانيه
على المواطن والوطن والعروبه
كل يشيد بطيب فعله ويثنيه
الاسلام اشادت به وشادت شعوبه
المسلمين يخفف اللي تعانيه
مواقفه عنهم ما هيب محجوبه
خادم بيوت الله عسى الله يعافيه
ومن هيبته كل الحدود مهيوبه
ولا فيه طيب الا خذا من نواديه
الشاهد الله والجميع اشهدوا به
يا نجد هلي به وبالقلب شيليه
وبالورد حلي في قدومه دروبه
الله يمهل له ويسعد لياليه
في جاه من يعلم خفايا غيوبه
الله ولا غيره هل الدين ترجيه
سبحانه الخالق وخلقه رضوا به
وجزل القصيد امجاد مولاي تعطيه
قيمة لها معنى تجزل سلوبه
مشاعري شعري لمولاي تهديه
وكل المشاعر تتجه حب صوبه
