يا اللي تشكى وتحرق القلب لا باس

لا باس تشكي كايدات المقادير

أما بيدينك ترفع وتشرب الكاس

خذها نصيحة في جميع المشاوير

لا تشتري همك على فرحة الناس

ولا تشتري الفرحة لجل ضيقة الغير

خلك عطوف ينبض الصدر باحساس

وابقى فطين لا تسناك شرير

واذا الملا فضه فصر درة الماس

واسمح لمخطي واقبله بالمعاذير

الرب يجزى كل طيّب ونوماس

على فعال الخير وانت هل الخير

ياغايتي ماني على القلب دساس

خذها حقيقة والمحبة تقادير

وان كان ظنك في رجا هرجتي افلاس

فالطير سربه يرتحل لو نقص طير