يا عينْ هِلِيّ وِاسْتهيليّ وهاتيِ

هاتي غزيرْ الدّمعْ لا تذخرينهْ

خليني أنْعي في حيَاتي حياتي

دفَنتَهَا مع غالي دافنينهْ

قلبٍ من اللي شافْ يا عين ماتي

قَلْبٍ تعرفينَه ولاتجهلينهْ

كم ليلةٍ حَرَّمْ عليكْ المباتي

يِسْهِرْكْ ويساهركْ وتسًاهرينَهْ

وقتٍ مضى ليته يرايع وياتي

انْ قيل شينٍ قلتْ: يا زينْ شينهْ

أحبّْ وأبغضْ فيه، واتبع شفاتي

واليومْ، واغلاهْ، ويني وْوينهْ

يوم ان لي شفٍ بتلعْ البناتي

هذاك مدنينهْ، وذا مبعدينهْ

واليومْ ذي طالتْ، وذي قاصراتي

ما شفت زولٍ استخصَّه، ظِنيِنهْ

لي قلت: ذا مصيونْ هذا مناتي

ويلا البريه كلهم عارفينه

استبشري بالنومْ في المقبلاتي

وشْ لونْ أبسهرْ عقبْ ما صار طينهْ