في صفحة التاريخ باعجاب واكبار
قصة موحد مملكتنا السعودي
عبدالعزيز اللي رسمها بمقدار
حكم كتاب الله وارسى الحدودي
اسس كيان المملكة رغم الاخطار
والحكم لآل سعود ورث الجدودي
حكامنا آل سعود هم زينة الدار
مثل القراح اللي يداوي الكبودي
عصر الفهد عصر الثقافة والافكار
عصر الصناعة والبناء والصعودي
وهذا ولي العهد قائد ومغوار
وجيش الحرس للي يخون العهودي
والنائب الثاني معه جيش جبار
تحت الامر ضباطهم والجنودي
واللي بعد يستاهل المدح والكار
نايف سهر بالليل وحنا رقودي
وسلمان سلمان الوفاء وافي الاشبار
طيبه مع الايام دايم يزودي
المملكة مثل الذهب بين الاقطار
امن وامان وزود مال ونقودي
صلاة ربي عد همال الامطار
على نبي صادق في الوعودي
