الله الوالي ولا خيب الله من رجاه
يرفع الراية لفعال بالناس الجميل
معطي الخلق المحاويج يوم الله اعطاه
من جزيلات الوهايب الى شح البخيل
أتمنا والتمني من العاقل سفاه
لو يطيع الموت ياخذ عن الطيب بديل
ويش يبغى بالردي لو تمادى بالحياه
ما ورى عمره ولو طالت أيامه حصيل
عاش من يضفي على الدين والدنيا ذراه
سايس الثنتين عدّال عنهن ما يميل
هو عمود الدين ما شاف من فتق رفاه
كنه المهدي وياقرب سعد من دليل
قبل أبوتركي وحنا مع الدرب المتاه
حطه المولى على منهج السنه دليل
لوصلاح الناس في غارب الجوزاء رقاه
ما يذل من المخاوف ومن ربه ذليل
انشد المنصف عن البيت يوم أنه ولاه
والمدينه من حماهن بتمهيد السبيل
آمن الخايف وضاعف على الحايف جزاه
واستراح من السهر بالمراح والمقيل
يركب الحجاج من هجر وسلاحه عصاه
ما يحسب للمواذي كثير ولا قليل
ان عطا فاصفر عطاياه مفتاح الغناة
وان سطى عينت مضراب هداته جليل
عزنا عزه وصامل هوانا من هواه
يالله اني لك عن الحظ من قدره دخيل
