كل السنة واحد الميزان

وكل العمر حب لبلادي

تحت راية التوحيد وبحكمة آل سعود

بالارواح قمنا يا وطنا وسوّرناك

حميناك قبل أيام يسرك بوقت الكود

ولا يوم مليناك ولا تبدلناك

نحبك وحبك كل ساعة يزود بزود

محبة وفا ياللي ثياب الوفا تزهاك

ورثنا الوفا من والد الجد للمولود

وشربنا مع الما حب تربتك واخترناك

وفي عهد أبوفيصل عسى المنعم المعبود

يديمه رقت سمعتك بالعز في علياك

وأبومتعب الصادق بالافعال والمقصود

حليف الوفا فوق الثريا سعى وأرقاك

وفي كل يوم يمر لك ماقف مشهود

على نور دينك يا وطنا تسير خطاك

لله الحمد والمنة على كل حال

هو سند من نصا جوده ونعم الوكيل

اتكلت وبديت وهل وبل الخيال

في غلا دوحة ماله بقلبي مثيل

منبت الدين وغصون الوفا والخصال

منبع الخير نهر الطيب منها يسيل

ذروة المجد بيت الجود مهد العدال

مشرق النور والحب النقي الفضيل

مرتع الطيب والعزة وروس الرجال

مزبن الجايع العطشان حصن الذليل

حكمها شرع ربي دون حيف أوفيال

منهج من خذا به ما يزل أو يميل

حبلها قبل أبوتركي رقا واستحال

عزّت.. إلا عليه.. وكانت المستحيل

واسلمت له غلاها بعد طول الجدال

والتعب والعنا.. ماجت بنفض الشليل

وحّد الصف والكلمة ومد الظلال

فوقها.. والرخا للناس صار الخليل

آمن الخايف الطرقي وراع الحلال

ليلهم ما غدا موحش ولا هو طويل

واكملوا ما بداه مطوعين المحال

بالرخا.. والرضا والبذل وأمن السبيل

كأن رقيباً منك سد مسامعي

عن العذل حتى ليس يدخلها العدل

من يمين الفهد فيض من الشهد سال

صادق نافع غطى على كل سيل

ما تغالا هنا شعبه كريم السبال

شال عنه العنا والحمل لو هو ثقيل

مع عضيد عنيد ما يحب الخمال

عابد ساجد ماله بطيبه مثيل

خير مرهي بالطيب كف وقبال

أبومتعب عدو البخل مثله قليل

وأبوخالد بطيبه مالغيره مجال

دايما له نصيب بكل فعل جميل

ذايع الصيت أبوخالد شقيق الجزال

بالعطا والمواقف ما يحب الهزيل

في ذرا من فيه تاقف تعابير الكلام

الفهد عز الجزيرة وتاج أيامها

سيد التاريخ بدر الوفا ضيم الظلام

خيّر حقق لكل العيون أحلامها

عزنا من فضل ربي على راس السنام

والهبايب للسعودي تسوق انسامها