يالله ياللي رازق ناس من ناس
ياالواحد اللي مالنا غيرك إله
ياكاحلٍ عين الليالي بالادماس
ويامعوض راع البعارين والشاه
عقب الظما وبل وذعاذيع نسناس
وبرق وخضار وناقعٍ صايرٍ ماه
سترك وعفوك عن مداخيل الافلاس
وعن نجدة اللي لاحميا والاجاه
وعن زلة الخطوه وضيقات الانفاس
وعن غابرة فتنة زمنا وبلواه
يارب مالي غير طاعتك نوماس
ورضاك هامة تاج مجدي ومرساه
غرت هقاوي نضرة عيون عساس
خضر الفياض وخيب الشوف مرماه
الوقت له ضحكه ولنيابه اضراس
والموت من غدرة رماحه وشلفاه
من ما يحسب لخطوته وزن وقياس
ماضنتي يدري عن العيب ماطاه
