وصلنا الخبر ياليت ذا العلم ما اوحيناه
نهار الثلوث وليلة الاربعاء جاني
وقالوا توفي ابوسعد والعزاء اقمناه
اقمنا العزاء للناس في منزل الفاني
ليالي العزاء ياسعيد والنوم ماذقناه
نجاوب حمام الورق في روس الأغصاني
الاياوجودي وجد من عدمت يمناه
سبب حادثين مابين الاردن وعماني
على اللي ليا منه نصنا اللزوم القاه
يسد اللوازم كلها هو وحداني
يقولون لي انسه وانا اقول كيف انساه
انا كيف ابنسى واحدٍ ما تنساني
عليه العباير كنها الوبل من منشاه
من الحايز الى فيه برق ورباني
انا ارجي سعد وسعيد ومحمد انفداه
يذبون درب الشيخ ذربين الايماني
يذبون درب الى دروب الكرم ممشاه
عليه الخواطر ما يملنا الاحزاني
تدور الشبه حول المقاريد ما تنصاه
يروحن صوب افلان وافلان وافلاني
لعله اجنان الخلد يا اهل الوفاء مثواه
اله في اجنان الخلد يا ناس مسكاني
وعساء الله يجبرنا بجبره بعد فرقاه
وتجبر عزانا فيه يا عالي الشاني
