يا مدعي بالشوق وين انت والشوق

منتب تراعي من به الشوق طاويه

بيديك قلبي واشتكي منّك العوق

في درب حبك قلبي اليوم شاكيه

ياما رحمت ادموع عينك من الموق

يوم انت دمع العين ما فات مغديه

اجلس وحيد الخلق وارقب مع السوق

كودك تشوف اللي مع الناس مغليه

ما ظنتي تلقا بدنياك مخلوق

يعطيك مثلي والهوى ما يخليه

يوم انت مخلص والليالي لها ذوق

ليل السهر في قربك اعذب لياليه

ضيعت قلبك والهوى ما به رفوق

اما تحت او تكره اللي تخاويه