يادارنا دار الشجاعة والأبطال

دار الوفا.. دار النقا والعروبة

كم سجل التاريخ من مجد وأفعال

على مواليد السعود محسوبة

ال السعود اللي بهم تضرب أمثال

سادات قوم غالبه ومغلوبة

صقر الجزيرة بالوفا حال ثم صال

وحكمه على فتح الرياض أعلنوابه

يا مرحبا بأمير منطقة القصيم

ترحيبة تفتح لها تسعين باب

ترحيبة مهداة من قلب سليم

حلو المطر من ودق وبال السحاب

دخنه يهز أغصانها لطف النسيم

ومن الفخر والمجد لابسة ثياب

لصاحب السمو الملكي تزهم زهيم

تصفق بها كفوف الشيوخ مع الشباب

لحاكم ولد حاكم وتاريخه قديم

أهل السيوف مطوعة كل الصعاب

عساك ياللي تاخذ السوق بالعار

دايم مجاذبها سلوك دقاقة

تجرها يمك وتمسك بشنكار

بصيخ مبهم ماتفصم حلاقة

يابايع بنته بخيبه ودينار

على بعيد الناس وإلا رفاقه

من ناسب الرديان ياطا على الحار

وزود على حمله يشيل الوساقة

نسب الردي كالحنظلة بين الأشجار

خضر الغصون تعاف عقب العشاقة

اللي يبي منها محاصيل وأثمار

هذاك ضايع مخ قطاع ساقه

ومناسب الطيب صناديق محار

تلقى الذهب عند انكسار الطباقة

مهما تطول أيام حلوات وامرار

بارد جناب وصافي بالصداقة

إن كان تبكي ربعنا يابو عجاب

جيران وإخوان وذخاير جدودي

على كذا الأيام تفريق الأحباب

مادايم الدنيا حياة وخلودي

تبكي وأنا أجحد ماتكدر لما طاب

ونفسي على لمس الحفوفا جحودي

لاتبكي إلا اللي على راسه تراب

الحي لابده لحيه يعودي

يا حمود تكفى لاتصير أقشر الناس

خلك على ظني وغاية مرادي

طير السعد يعرف قبل يجي قرناس

وعزي لمن طيره ردي الهدادي

عزي لمن يجناه من مجنى الافلاس

يباردي الخال يطلع جوادي

ياحمود خلك قاسي الضلع والراس

لين الحرير وكالحجر بالعنادي

خلك لربعك مثل قصر على ساس

دافي شتا والقيظ دايم برادي

دلبح لهم لو زادو الحمل لاباس

ترى الجمال إلها الوسايق تعادي

واحالي اللي يانويدر غدا رمت

والجسم عيت لاتشيله عظامي

كن الرجول مسلسلات إلياقمت

وأشره على عمري بثقل المقامي

اللي مضى لو تطلع الشمس مانمت

دقيت سلف مطيرات العسامي

واليوم لو تغمض عيوني تحملت

شاركت خدرات النسا بالمنامي

ماكني إلا جاهل ما تعلمت

ماسلم المفتاح وقت الظلامي

ياكثر مافي خاطري وأكمته كمت

ما أبينه لمفسرين الأحلامي

ياراكب اللي رموز الرقم باللوحة

مثل الزميم بخشم الجادل الضاري

تطلع من البيت والبيبان مفتوحة

مغرورة الوقت ربة زين وتماري

أسبق من اللي بريح الملح مسنوحة

لدت وشافت حجاج ورمش وسواري

راكب اللي وردوا فيه امتيازي

فيه ميزات تهيض راكبينه

المكيف والدرايش بالقزازي

والتوانك زر فيها صانعينه

إيتذير مثل مذعور الجوازي

حاز شايف والرماه مذيرينه

دق سلفه والتقم سلفه ونازي

حذف ويله من يسار ومن يمينه

كن وقده يوم حول من خزازي

وقد صاروخ تنصا طالبينه

يوم جانا مع شفا دخنه ينازي

كنه الصاروخ غادٍ له رطينه

يوم جانا من بعيدين المغازي

دايسين الراي واختاروا سمينه

طيبهم يبحل معابير المجازي

وفعلهم كل القبايل خابرينه

العلم جا فجعة خبر حادث أجواد

ماهيب إشاعة علم الاثنين ماكود

أول سبيل وراح سلمان ماعاد

نفذ قدر عن صاحبه غير مردود

لانوخت تبغالها حمل وشداد

لاوافره طفلٍ.. ولا راحمة عود

دنيا لاهلها عبوها مر الأكباد

كم فرقت ما بين والد ومولود

تضحك وتبكي بين زارع وحصاد

وتلعب على الحبلين بالهون والكود

ماكل من يبدأ بالأشعار قصاد

والشعر من ثلث البشر صار مضهود

يسني على غير السنع سني معواد

ياسرع ماهو مقفي جيب مردود

إلا سبيل منقد الشعر نقاد

سابع بحر ياصل به القوع ويعود

رحل رحيل مالحد عنه مقعاد

ومن لايصدق قدمه الريع مقعود

مرحوم ياللي مالفرجتك سداد

اللي لها قيمة وحسبان وبنود

جعلك من الفردوس لك فرش ووساد

ورضاك من حوض النبي صدر وورود

مرحوم ياللي شبته فخر الأمجاد

سبيل له في قمة المجد مشهود

ياللي تمر الرجم بالك تويقه

ترى الخطر من مشرفات المراقيب

عسى طواريق الهوى في حريقه

مثل رشا بقعا ردي المجاذيب

حيث إن فيه من الجلال ودقيقه

سلك الحرير اللي يجر النشاشيب

يامعاشقات طيور خضر الحديقة

فيكن يحطون الشبه والعذاريب

قلوبهم مما تحصل خريقة

توشي فتيل أهل الوجيه المخاضيب

الله يكشف ستر كاشف عشيقه

كشف الذي يسرق زهاب المعازيب

ليا من خطو اللاش علم رفيقه

كشاف ستر المترفات الرعابيب

ودت بيبان الضلوع تغليقه

ما يكشفه غير الذي يعلم الغيب