تعذر والعذر يامعاندي مايجبر المكسور
تعذر والحنايا همّها يامعاندي يزداد
علامك ماتجود برجعةٍ تكشف لك المستور
علامك بس ترويني مع الصدة قهر وعناد
تعاتبني وتبني في طريقي للضياع قصور
تحرى نزلة الدمعه.. تحرى يوم فيه أبعاد
أنا ما أقوى أشيل الجرح لا راضي ولا مجبور
تعبت من الجروح ولا طرالي بالليال رقاد
ابعلن مبتدا الرحله وأبقطع من وراي بحور
أبعلنها صريحه والصراحه للقلوب أعتاد
كتبت لك القصيد ولا تحرك فيك منه شعور
خدعك الوقت وأغراك العذول ورحت له منقاد
تفتش دفتر أعذارك ولاني قايلٍ معذور
على ذاك الغرام اللي خذاني وانتهى بجهاد
تعذر والعذر مارد شي ولاجبر مكسور
تعذر والعذر سبة جروحٍ بالخفوق جداد
