شوفي جروح القلب يمكن تداوين

جرح بقلبي ما بري من غيابك

الهم والحرمان والياس والبين

مكسب خفوقي من سعادة جنابك

ليتك تشوف الحال يا داعج العين

قلب المولع يحترق من صوابك

ياما سهرت الليل وانتي تعرفين

ما قدر على فرقاك ولا اقوى عذابك

ليت الوله يجمع قلوب المحبين

ترتاح نفس شوقها عند بابك

زفي على قلبي من الوجد شوقين

دام القدر لعيون الاحباب جابك

شوق يعيش لشوفتك عام وسنين

وشوق وسط عيني ينادي هلا بك

ياللي غلاكي زاد في عام الفين

عسى الولي يتمم كتابي وكتابك