ارخصت روحي لجل احبك وداريك
واثرك علي شوفي تعيي بك الروح
كنت أحسب انك مخلصاً يوم انا اعطيك
ما كنت اعرف انك سبب كثرة النوح
يوم المشاعر من غرامي تناجيك
والقلب لجلك بالغلى كان مفتوح
وروح العواطف بالمحبه تحاكيك
ومن زود حبك دمع عيني له سفوح
واليوم انا قررت اهجرك واخليك
دامك تغلى وما بدا منك مصلوح
روح مع اللي تشتهي وانسى مغليك
مدام طبعك بالهواء صار مشفوح
وانا عليّ اني من اليوم ناسيك
ولا اعترف بك لو تجي دوم وتروح
ولاريد لك ذكرى ولا حب طاريك
لا صار قلبي من سبايبك مجروح
بايعك انا بالحب ماني بشاريك
مدام سري بالهواء صار مفضوح
واقولها من جد مابيك مابيك
والصد واضح مايبي مني وضوح
