لي الله يا حبيبي دام قصدك تبتعد وتروح
فمان الله يا شخص تركني وسط حسراتي
لي الله والخطا يا صاحبي منك ترى مسموح
ابدمح كل زلاتك اولو اكذب على ذاتي
ابصبر رغم صرخات المواجع والعتب والنوح
رغم الهم مع دمع ذرف مع كبر مآساتي
ابصبر لين ما يبقى من جروح الزمان جروح
وابيكي لين ما تنشف بعيني كل عبراتي
حبيبي والله اني ما نسيتك لو تروح الروح
مع ان الهم واضح يا بعد عمري بنظراتي
صحيح اني ليا شفتك من الفرحة اجي مشفوح
اجي يمك وشوقي شايله يا اجمل اوقاتي
ولكن قبل ما اوصل احس برعشة المذبوح
واعود للمكان ومختلط خوفي مع سكاتي
انا ما اقول غير الله يعين الخافق المجروح
فمان الله يا شخص تركني وسط حسراتي
