الصبر يقضي يا غدى الناتج أحلام
يعني مثل صبري ودوك الدلايل
نام البليد وضايق الصدر ما نام
من نار بعدك يا ظبي الخمايل
ما حسب ليلي من عقب ترف الأقدام
يطول لكن عقبه الليل طايل
الله يصبرني على خمس الأيام
اللي بها من دون الأحباب.. حايل
راحت وانا أصارع متاهات الأوهام
وحيد لو عندي خيار القبايل
كني من اللوعة تحت ظلم صدام
اللي على الاكراد سوى الهوايل
كني تحت من نصف شعبه غدى أيتام
والنصف الآخر ما كسب به جمايل
دقيقتي عن يوم واليوم عن عام
والعام عن تسع السنين الأوايل
فرقاك لو ساعه مثل حكم الاعدام
يا صاحبٍ ما طاع بي قول قايل
وانا بعد ما طعت به هرج الأقزام
ضعاف النفوس مفرقين الحمايل
والله لو تدري فلا تطري إمقام
من دون «عرعر» لو تكون بمحايل
بتدهوري بعدك ولو عندك إلمام
سابقت بالمرجاع برق المخايل
ومن لامني في وزنة الروح لا قام
عساه بالدنياء يشوف النكايل
