نشرنا في عدد الأسبوع الماضي لغزاً كتبه الشاعر ناصر بن عبدالله المسيميري من محافظة الرس وكان نصه:
|
أنشدك عن بنتٍ يجيها غذاها
من جارها اللي كافله بالمؤونه
لو ينقص غذاها يجيها بلاها
درب الحياة وموتها في عيونه |
وقد جاءت كالعادة عشرات الحلول وبعد الفرز اكتملت شروط النشر فيما كتبه الأخوة التالية أسماؤهم ونصوص حلولهم:
|
البنت نعرف نوعها ووكلاها
ما هي خفية كلكم تعرفونه
الى نقص ماء عيونها الموت جاها
يا شاعر الألغاز مالك مهونه |
محمد علي السالمي رفحاء
***
|
البنت كم وكم سائق شراها
ما يمشي الموتر مسافه بدونه
الحل بطاريةٍ نشف ماها
الدينمو ما يفيد لوهو بعونه |
جلعود بن لافي الشمري - حائل
***
|
يا جيب ( بطاريتك) ويش جاها
النور يضعف لين يحمر لونه
في ليلة ظلما يوحش خلالها
والدرب صحراوي كثيرة شطونه |
صويلح بن عبيسان الشيباني
الرياض
***
|
قريت صفحتكم مثل من قراها
وتراث الأمة فوقها تكتبونه
وشاهدت بنت «اللغز» مع من شراها
بسيارةٍ قديمة يربطونه |
لولو بنت صالح بن عبدالعزيز
الربيعية
***
|
يكثر تغليها ويكبر غلاها
صفحة عنيده يا رجال وحنونه
تشوف يا ناصر بعينك حلاها
وموترك «بطاريته» لا تخونه |
محمد عبدالكريم الغزي
الزلفي
***
|
الصفحة اللي كل شاعر قراها
تجمع مضامين الشعر من فنونه
و«الدينمو» جار الفتاة وغذاها
البطارية تنشحن من غصونه |
مسفر فهيد السبيعي
الأحساء
***
|
قولوا لناصر لا يبعّد مداها
ما له سوى حلي ولو ترمعونه
الحل «بطاريةٍ» ما سواها
يعطيكم المضمون لوتنشدونه |
راشد محمد الحجيلان
حائل
***
|
البنت يا ناصر عرفنا حلاها
وعيونها سته ولا لك مهونه
يجلب لها المسيود سيد وملاها
والدينمو كفيل ما تعيش دونه |
سعود جازي الحربي
الرياض
***
|
يا ناشد عن بنت يا حرماها
عرفتها ياعل مالك مهونه
الدينمو هو جارها اللي عطاها
قل صح وإلا ما تغير بلونه |
صالح غزاي البدراني
الرس
***
|
البنت يا ناصر عرفنا بلاها
والجار لويتعب نغير اسنونه
وسيارتي أوقات يكثر غثاها
والبطارية نوب تكثر جنونه |
سعد الدوسري
الرياض
***
|
بالصفحة اللي دوم يكبر غلاها
ناصر حبك لغزه وهذي فنونه
والحل «بطاريةٍ» من غثاها
بالدينمو عاشت ولا تعيش دونه |
عطا الله بن سليمان العطا الله - الزلفي
***
|
لو تبعد الجزله.. ويبعد مداها
عشاقها حبل الوصل يا صلونه
إن قلت: مضمونه تجدد عطاها
وإن قلت: بطارية أضحت فتونه |
فهد الجروان - الزلفي
***
|
قريت أنا أبياتك وغيري قراها
وامتابعين اللغز ما يتركونه
لولفها ناصر كشفنا غطاها
البنت بطارية يشترونه |
علي رشيد الرشيد
رياض الخبراء
***
|
يا مرحبا في عودتك وش حلاها
يا مثري الصفحة بنتائج إفنونه
والبتري اللي بالمولد إغذاها
مثلك لصفحتنا ولا لك مهونة |
فهد الحزاب - الرس
***
|
يا مرحبا يا شاعرٍ بك تباها
الرس واللي من وراها ودونه
يا شاعر الألغاز ما به سواها
(الباتري) موترك يا قف بدونه |
محمد بن حمد البدر - الزلفي
***
|
يا مرحبا والشمس صافي سماها
يا شاعر الألغاز مالك مهونه
وإن كان بطاريته ما احتساها
خربت عليه وخيم الليل دونه |
خليف الحربي - الرياض
