سميت باسم الله ونسقت الأبيات
وأحكمت معناها بصبر وعزيمة
موضوعها بين وله خمس حالات
يابينها لأهل العقول الحكيمة
الأوله لاهل التصنع علامات
أعمالهم ما من وراها غنيمة
تكشفهم الأيام بظروف صعبات
يصير فيهم ساعة الضيق سيمه
والثانية نشوف بعض الإشارات
اللي تبشر بالفشل والهزيمة
تخلف رجال العرف في كل الأوقات
لو أن ممشاهم بطرقه سليمة
والثالثة يا شين بعض الدعايات
اللي ترز الناس من دون قيمه
الي تمعنا بمورٍ خفيات
صارت عواقبها عليهم وخيمة
والرابعة فالناس بعض الحزازات
اللي تعكس ادروبنا المستقيمة
تمرض قلوبٍ صاحيات وسليمات
ما عاد تبقي فالمخاليق شيمه
والخامسة لا صار بالناس ميلات
يلحق كثير الناس منها ظليمة
مشي الليالي للمرفه سريعات
وإلا الضعيف كل ساعة تضيمه
واختام قولي لو تطول المسافات
تبقى الرجال أهل المواقف حشيمه
