اسمحيلي بالكلام ان كان مافيها كلافه
ودي أعبر عن اللي داخلي بس اسمحي لي
ودي أحكي لك عن اللي ساقني صوب المخافه
وحطبي هموم منها عفت أنا مرقاد ليلي
قالت اسمعك وكلامك هقوتي كله صلافه
قلت صلف وشين واجد بس جودي واسمعيلي
اسمعي ببدأ كلامي وببتدي بكلمة حسافه
ياحسافه.. ياحسافه.. قلتها بسبّت خليلي
ساقني صوب المخافه صاحبٍ ما كنت أخافه
صاحبٍ كان بحياتي ديرتي ودراي ودليلي
صاحبٍ كنت أحسبنه شوق واحساس وشفافه
لين جا يوم وتركني شب بفراقه فتيلي
صاحبٍ خلاني أعرف كم معاني للولافه
،كم خلق ربي قلوبٍ شتمها يمكن قليلي
راح ما كنه عرفني وما عرف وجهي وشافه
ناسيٍ فيني جروحٍ طحت أنا منها عليلي
هاجر وخلا عيوني تكره النوم وتعافه
دمعها لا الليل ظلم شفتها تجري تسيلي
لكن إني شفت نفسي بندمر والقى التلافه
لا بقى هالحال دايم مستمر وقت طويلي
وجبت أنا الحب وزرعته داخلي عنّد لجفافه
وقلت أبحيا زي غيري راح وقت المستحيلي
دام مابه شيء أخسره لاتسلي لا ترافه
بدفن أحزاني بديني واجبر الفرحه تجيلي
