يالله يا متكفلٍ رزق الإنسان
يا موجد ارواح البشر من عدمها
عليك عبدك يتكل قلب ولسان
من يوم جزلات القصايد نظمها
من يوم أخذت بواقع الشعر عنوان
فكرت والفكر القصايد لزمها
من باب ما فكر تذكرت سلمان
أبو فهد عز النشاما علمها
فيه الرياض ألها الفخر وين ماكان
هو الأمير اللي جزم واستلمها
بالعرف والحكمة بذل قدر الامكان
جهده لحتى ان المصاعب هزمها
الكل يثني له شبابٍ وشيبان
ناس ايتعاطفله وناس احترمها
بعد الكريم المعتلي عالي الشأن
يمناه تعرف بالكرم من كرمها
حصان واللي عقبه والله حصان
صقر الجزيرة صقرها اللي حكمها
طلع كما النجم اليماني أليابان
جمع جوانب ديرته ماقسمها
جاهد ووحدها بجيشٍ وفرسان
حتى الحصون المحكمات اقتحمها
عبدالعزيز الفيصلي طير حوران
لعل روحه عند ربه رحمها
وعقّب لها والله صناديد وأعيان
الأسرة اللي نفتخر في شيمها
آل السعود أعمّ وأخص سلمان
أبو فهد عز النشاما علمها
