جاني ويشره عقب ما غاب له عام

لا شافته عيني ولا غاب طاريه

حلفت له باللي فرض حج وصيام

جرحك بقلبي ما لقى من يداويه

اسرفت في جسمٍ غدا جلد وعظام

من فضلكم يازين لد النظر فيه

عايش بدونك في كوابيس وأوهام

وليلٍ على قلبي بهمه يضويه

اشفق على شوفك ولو كان باحلام

واسوق رجلي في هوى النفس ياهيه

حظي تعثر ياهوى البال ما قام

طاح وتعثر من ردى حظ راعيه

درب المواصل صار محظور والغام

وراع الهوى عيت اسنينه تنسيه

واضحك وأقول الدرب قدام قدام

وافز له مرتاع لا حل طاريه