يا للّي تنادي بصيحة هزّت فؤادي

تنخاء رجال الوفاء يا صافي النيّة

عز الله البارحه ما طاب مرقادي

والنفس من قوما جاها شقاويّه

جيتك وأنا اللي لنظم الشعر وقادي

واقوم بالنوب عن كل السعوديه

المشكلة في زمنّا يا ابن الأجوادي

ترك الاصيلة وتشريف الدوينية

كلن يخلط الحروف النون والصادي

ويقول ابظهر مواهب فيّ مخفيه

مغير صوره تقل في وقت الاعيادي

تنشر لهم في مجلاتٍ محليه

كيف العمى في ديار الصيد يصطادي

اللّي ليا راح ما يدّل بالجيه

ما هو بصايد جراده والنظر غادي

ما يعرف الفرق بين الداب والحيه

راع الذبيحه طبخها واحرق الزادي

رايح طعمها ولو جاتك بصينيه

البيع بالكاش ما هو مثله أقصادي

والهرج واضح ولا فيها مخصّيه

الشعر صابه مرض واليوم يزدادي

عله من أصغار وايضاً من كباريّه

حطو على القلطه الموال متمادي

لاهي بقلطه ولا عرضه جنوبيه

قالوا ترى وضعها يا صاحبي عادي

وصارت لعوب العرب رقصات هنديه

يا كيف شعّارنا تمشي وتنقادي

وخلوا سلوم العرب بالكمّ مطويه