بديت باسم الله رفيع الشأن
علاّم ما بالكون سبحانه
اول كلامي طلبة الرحمن
رضاه وأطلب منه غفرانه
يارب أنا البائس وأنا الفقران
حملي ثقيل وأنت ديانه
برحمتك يالواحد المنان
ياماحي السيئات باحسانه
ومن الخطأ ما يعصم الانسان
في كل لحظة معه شيطانه
الا من اعطاه الله الايمان
اللي بقلبه صادق ايمانه
يعمل ويطلع للعمل برهان
ويرجح المعبود ميزانه
ان وفقه ربه طلع ربحان
في جنة الفردوس مسكانه
ابنصحك يالجاهل الغلطان
دنيا الفنى تضحك وخوانه
تصحي قبل ما تقفل البيبان
وتطلب من الخلاق رضوانه
الويل للي يبخص الميزان
وشهد شهادة زور بلسانه
ويعمل عمل فرعون مع هامان
يوم اعجبه صرحه وبنيانه
وخزاه ربه وغرق الخوان
وموسى نبي الله رفع شانه
