يا لله ياللي عليم في خفا الونه
تلهم هل الميت واهل البيت سلواني
تجبر عزا لابة شيخه رحل منه
يم دار حق عسى به له مسكاني
قصر على ضفة الكوثر يحوفنّه
حور.. وجاره عمر.. بجوار عثماني
أبو فهد جعل داره رفعة الجنة
خمايل الورد والجوري وريحاني
مآنا بعزي عياله فيه حيث انه
ابو قبيلة غلاها وسط وجداني
عزاي لقلوب ناس ياتطارنه
بالخير والعف والشيمه والاحساني
وعزاي لايتام واركاب ينوحنه
وضيف لفا الدار.. للدامر عن الداني
تبكيه داره واهلها وتزعج الحنه
وتبكيه بدو ورا الوادي وحضراني
شيخ مسمى كثير عيون يبكنه
باسم الطنايا اعزي فيه عجماني
الدايم الله وامر الله ما عنه
هم اسبقونا وحنا ركبنا الثاني
الموت بأرقابنا فرض ما هب سنه
قبله رحل جده الدامر وراكاني
ولو الحزن والعباير هن يردنه
ما راح منكم وقبله راح شيخاني
مار ادعو له عسى مثواه للجنه
خمايل نبتها ورد وريحاني
