ياشذى العمر عطني كل علم صحيح

وردك أذبل بصدري والعطر فيك فاح

وأخذ علماً حقيقي وأخذ قولٍ صريح

وأفهم اللي أقوله جد ماهو مزاح

من غلاكم ماعاد أسمع كلام النصيح

والعيون أسهرتني ما تذوق المراح

أنت صحّيت جرحاً قبلكم مستريح

وأنت عرّضت قبلي لليال الشحاح

أنت صيحت طفلٍ في ضميري جريح

فاقد والديه وكل ما قام طاح

لاتخلي عشيقك في فراشه طريح

شاغل دوم فكره وخاطره ما أستراح

مد كفك لكفي لا تصير الشحيح

وأرد عد بصدري صافي لك قراح

كان تجلس وترقد خاطرك مستريح

والله أني عيوني ما تذوق المراح