هجرك ذبحني وزاد النزف من دمي

يامن له الروح تنزل.. وان رقا ترقا

كلك ظروفٍ تعّيي.. ماتجي يمي

وأنا من ظروف وقتك.. همي الفرقا

لو تطلبين الخفوق وفرحتي.. سمي

تفدى عيونك ولمعة خدك الطرقا

لو غبت عني سنيني همها.. همي

وكل العيون بغيابك .. تذرف الزرقا

لاما أذكر أني غلطت.. ولا نطق فمي

ولا يمكن أهدي حياتي.. طعنة الفرقا

ولا لا تقولين.. هجرك همي وغمي

أصبح غرامك بقلبي.. صورة الورقا

هجرك ذبحني وحبك.. جاري بدمي

يامن له الروح تنزل.. وان رقا ترقا