يا نافض الريش يامومي بجنحانه
يا طير أهنيك ياللي بالفضى هاني
يا ليت لي ما عطاك الله سبحانه
وأهاجر العمر والهجره هي أوطاني
يا طير انالي عمر تدعيني ألوانه
ويدعيني صبحه ومساه وخضر الأغصاني
ويدعيني طفلٍ صغيرٍ مبهم الخانه
عايش على ويش؟ مدري بس طرباني
فكره معه غايبٍ تخلد به أذهانه
فترة قبل يبتدي في كونه الثاني
الله ياكم خذاني الشوق لأعيانه
وقمت أتمنى رجوعي لماضيٍ كاني
وكم ربحت للأشجار اللي شابت أغصانه
جافا الخضار الغصون وعاد جافاني
وكم سقت رجل الأمل أسترجع أزمانه
وحداني المستحيل وعدت زهقاني
وأقف حرج دمعةٍ تقرى بعنوانه
العمر من وين أخذني ووين وداني؟
