يا ويش رجل ماشي بين نجسين

مصيون منهن طاهرٍ في مسيره

دامه حلال وحرّم الله الاثنين

عطوني اسمه في تراث الجزيرة

من خلقتي ضاري لصيد النياشين

الى اشتركت بشي جبت العسيره

واللغز حله واضح للفهيمين

حله «لبن» ياهل العقول البصيره

ياللي طلبت الحل في صفحة العين

في نون عيني هالجزيرة.. جزيرة

الحل واضح واللبن فيه جنسين

أحدٍ عرف وأحد يدوّر لغيره

ياماحلا المظهار نشوف بالعين

والحل من در البكار الصغيره

حلوٍ لبنها.. يشربونه ملايين

ما بين فرث ودم ياتيك خيره

يا مرحبا ترحيب غالي بغالين

يا مرحبا باهل الوجيه السفيره

واللغز واضح للرجال الفهيمين

هذا اللبن وأصحاب الأزياء خبيره

آخر ربيع بيوم تسعة وعشرين

طالعت لغزك في تراث الجزيره

واللغز حله ما يبي له براهين

در الحليب ولا يجي حل غيره

اقرا عليك الفاتحة ثم ياسين

خوف من الحساد يابن الجزيره

ماكل شاعر يفهم الدال والسين

الى عكسهن واللبن بالغزيره

يازين تحليل المعاني بسطرين

نقرا ونكتب للوجيه السفيرة

وسبحان من صاغ اللبن وخرّجه زين

من بين دم وفرث نعمه كبيرة

سبحان من أنزل على خلقه الدين

الواحد اللي نطلبه فضل خيره

اللي جعل في الدم والفرث شي زين

صافي اللبن يجري وياخذ مسيره

عطاالله اسمع هرج كاشن ماهو دين

اللغز عندي واضح بتعبيره

من أربع حروف اسمه عشقه الملايين

حليب صافي مايبدل بغيره

يابن عطاالله نذكر اسمه لكم زين

نوضح اسمه زين من شين غيره

سبحان رب يخرج الزين من شين

لغزك لبن ولا المصانع كثيره

ارسل عليك الحل من قبل الاثنين

وابغاه ينشر في تراث الجزيرة

لو جيت لازم نحتلب لك من الضين

نعم الغذاء مشهور في كل ديرة

اللغز واضح ما يبي زود تخمين

عرفت أنا حله بمدة قصيره

قلته وانا ما دار بالفكر حلين

هذا اللبن ما ظنتي فيه غيره

يا مرحبا باللي بالالغاز ماشين

ياللي لكم في بحر الألغاز سيره

قريت لغز ما تخالف به اثنين

حلو اللبن لاربعت كل ديره

الحمد للمولى على نعمة الدين

لله على خلقه فضايل كثيره

منها «اللبن» طاهر وهو بين نجسين

من بين فرث ودم يقطع مسيره

من بعد غيبه يالرجال العزيزين

ودي اشارككم بلغز الجزيرة

ذاك «اللبن» واضح ولافيه تخمين

ما بين فرث ودم يجري مسيره

هلا هلا بك يالجزيرة هلاوين

يامرحبا والفا هلا بالجزيرة

ألذ عندي من حليب البعارين

من خلفة بكرة على أول دريرة

سر يا قلم واكتب من القاف بيتين

وأترك بيوت في ضميري كثيره

ذاك الحليب اللي مشى بين دربين

سبحان رب سخره في مسيره

يالله ياالمطلوب يا ناصر الدين

إنك تقدينا على كل خيره

هذا الحليب اللي خرج بين شيئين

ما بين فرث ودم دايم مسيره

يابن عطاالله لغزكم واضح زين

نعمه جعلها الله في كل ديره

من بين فرث ودم شربت ملايين

من در كل أنثى وجاك تعبيره

لغز العطاالله ما يبي زود تبيين

ما بين فرث ودم مافيه غيره

لو بالحليب اتضيق كل الشرايين

عسى الربيع ايعود ويزود خيره

عطاالله اللي حطنا بين قوسين

ياالله عسا في الأمر ياالربع خيرة

قصده حليب مصدره عبر ثديين

هذا جوابه يا تراث الجزيرة

يا شاعر الزلفي هلا ألف وألفين

اللغز يبغى فكر ناس خبيره

من بين فرث ودم يجري كما العين

حليب صافي له فوايد كثيره

يا مرحبا يا راعي اللغز وأهلين

ترى اللبن معروف من دون حيره

هذا جواب اللغز والمرسل حسين

الله يكتب كل ما فيه خيره

لغز العطاالله واضح للفهيمين

حلالة الألغاز لو هي عسيرة

الحل بديود الغنم والبعارين

ومع البشر موجود في كل ديرة

يامرحبا عداد ماهلت العين

باللي وضع لغزه بوسط الجزيرة

ترى اللبن حله وهو بين نجسين

وارسلت حله جعلها لك سفيرة

أهلا هلا باللي علينا عزيزين

نغلي هلا الزلفي بوسط الجزيرة

اللغز حله آي سته وستين

هو اللبن «بالنحل» ما فيه غيره

أزكى سلام به ورود ورياحين

مني لكم يابوحمد سار سيره

واللغر حله ياصلك يوم الاثنين

حله لبن ياهل الوجيه السفيره

يامرحبا ما بان نجم الكليبين

واعداد ماهبت سموم الظهيره

واعداد مادر اللبن سائغ زين

بالطيبين أهل الوجيه السفيره

ابشر ولك مني تحايا المحبين

وارسل لك اسمه في تراث الجزيرة

هذا اللبن بالعرق وبجنب عرقين

فرث ودم ومتحد في مسيره

لغز العطاالله زين وملبسه زين

والله عليم بغيبها والسريرة

«هو اللبن» والفرث والدم نجسين

والعالم الله والمعاني كثيرة

ياهل الوفا والعرف والمنطق الزين

سيف الحقيقة ما دخل في جفيره

مثل اللبن صافي ولاهوب لونين

والزين به ميزه ينسيك غيره

أهلا هلا يا ابن سليمان الفين

ذا حل لغزك برسله للجزيرة

حله لبن سود الجلود المزايين

ما بين دم وفرث سهل مسيره

قريت شعر للرجال المسمين

شعر يهز المقفلات اتعبيره

يا ناشد عن طاهر بين نجسين

حليب أحلى من المطر في غديره