يا رب صبرنا على حق وايمان
واجبر عزانا في الأمير الفقيده
فهد بن سلمان في الطيب له شان
راعي الوفا راعي العلوم الحميده
رجلٍ برع بالحق للعدل ميزان
وآراه في وقت الشدايد سديده
بذل بحسن اخلاق للناس واحسان
مرحوم يا للي مثل هذا رصيده
عساه ينعم في بساتين وجنان
آمين يا للي ما تخلي عبيده
واحفظ لنا اللي صار للمجد عنوان
عساه يبقى له سنينٍ مديده
تسلم لنا يا حرز الاوطان سلمان
أميرنا اللي له صفات عديده
ويعوضك الله في الفقيده بسلطان
واخوانه اللي كل منهم عضيده
وتبقون في الدنيا عزيزين واعوان
في عز جاه وفي حياة سعيدة
