الله من علم دهانا مسيان
علم سمعنا موجزه بالإذاعة
موت الأمير اللي له الطيب عنوان
فهد ولد سلمان طيب وشجاعة
مواقفه تبقى على مر الأزمان
بنفوس شعبٍ ما يخون الوداعه
شعبٍ يحبه من شبابٍ وشيبان
يدعون له في كل لحظة وساعة
فاضت مشاعرهم محبة وعرفان
كلّ يجود بعبرته وانطباعه
الناس ما تنسى مواقف كحيلان
طير السعد فوق النجوم ارتفاعه
فيه المزايا الطيبة دون نقصان
سبحان ربي ميزه في طباعه
إنسان يحمل كل معنى للإنسان
وجهه بشوش وفيه طيب وبراعه
يمسي غني والصبح تلقاه فقران
يا كثر ما حشت ومدت ذراعه
يا رب تكتب له سعادة وغفران
يا عالمٍ فرق الشمل واجتماعه
في جنة الفردوس عساه سكان
يوم الحشر حلت عليه الشفاعة
وصادق تعازينا للأسرة وسلمان
باسم القبيلة والأهل والجماعة
يا سيدي منته لحالك بالأحزان
الناس مثلك خل عندك قناعة
حزنت عليه اعيون ونفوس واوطان
حتى الوطن محزون بحره وقاعه
