من لاحت الدمعة على خد سلمان
انهز منها كل قاصي وداني
دمعة وفا هلت تواسي كحيلان
هذي هي الدنيا وهذا الزماني
ما احدٍ يلومك يوم تبكي أبو سلطان
الشعب كل الشعب يبك الحصاني
يالله يا لمعبود يا عالي الشان
نطلبك يا محقق جزال الأماني
ترحم فهد واجعل له الذنب غفران
وتنزله في وسط خضر الجناني
مرحوم يا راع الوفا راع الاحسان
يا لنادر الوافي جزيل الحساني
كلٍ عرف فعله وشافه بالأعيان
مروي العطاشا لا أقر عن الشناني
ما قلت قول إلا على القول برهان
النادر اللي ما نزل بالطماني
عد الروا هداج في ماض الأزمان
وعد الروا فهد بتال الزماني
كم معسرٍ وقته تغير بعد شان
باسباب جزلات العطايا السماني
يعوضنا الله فيك يا طير حوران
يا ليت حط بحفرتك شخص ثاني
سلمان كل الشعب فهد بن سلمان
ذولي عيالك جوك قاصي وداني
