الله يجبر عزاء سلمان بالغالي

الغالي اللي نثرنا الدمع من شانه

الله يثيبه بصبره جزل الأعمالي

ويجبر كسر قلبه ويجزاه بحسانه

الحزن ما هو بهذا يا بعد حالي

طالع بسلمان زين وتعرف الوانه

يشيل حزن يهد ارجال وجبالي

يا جعل حزن بقلبه آخر احزانه

الموت لوله احساس وقلب رجالي

حرام ما ينزل اللي مرتفع شانه

الوقت ندفع ثمن مره من الحالي

ضحكة دفعنا ثمنها ما لها خانه

والله يا سيدي ما جا على بالي

ان الكرم والتواضع يابس إلسانه

يا الله عسى حزنك التالي هو التالي

وعسى العوض يا طويل العمر فاخوانه