|
| مدارات شعبية
|
العين تذرف وأنا مهموم
مهموم بالحيل بأسبابه
بأسباب علمٍ لفانا اليوم
الله ياما أكبر صوابه
علمٍ وبعده تهون علوم
اعمى ضيا الفكر وركابه
قالوا توفى فهد مرحوم
الله يخفف من حسابه
تبكيه نجدٍ سهل وحزوم
ويبكونه ابعاد وأقرابه
علمه فجعني وانا مضيوم
أبكيه والروح منصابه
فهد معرب ولدزيزوم
زعيم نجد وحمى هضابه
سلمان شيخٍ سليل قروم
الله يخفف من مصابه
يا مير لا تجزع لمقسوم
واللي من الرب نرضى به
الله يجبر مصابك دوم
ويعوضك الله بمن جابه
فيك البقى يازعيم القوم
ياريف الأجناب واللابه
ياسيدي ياقوي عزوم
النايف العال ترقا به
والحزن مابيننا مقسوم
ياكبر حزنه على اصحابه
ماتملك الا الدعا مرحوم
فهد عسى الخلد يهنابه |
فياض عبدالله ناصر الشمري - الرياض
|
|
|
|
|
