يافهد بن سلمان مرحوم مرحوم
يابن الملوك أهل الفخر والمغازي
وأهل الوفا والجود بالأمس واليوم
قصر الشرف شامخ وساسه عزازي
واللي بعد هذا سواليف وعلوم
من أمس والأقلام تكتب تعازي
حل القضاء والاجل له يوم محتوم
مامن مفر ولا مطير ومحازي
والله ياعلمٍ يصحي من النوم
هز الشمال ونجد واهل الحجازي
واهل الجنوب ويمة الشرق مفهوم
خيم سحاب الحزن والطرف جازي
مغير أفكر واجلس أحيان واقوم
تقل العيون امكحله بالقزازي
لو قلت مهما قلت مانيب مليوم
حب الوفا بالقلب ماله موازي
جعله مخلد ياولي دايم الدوم
بجنان دار الفوز والامتيازي
واجبر عزانا فيه والامر مقسوم
مامن مفر ولا مطير ومحازي
