لا دايم الا وجه رب السماوات

الخالق انفسنا ولها حدد اجال

في اللوح عنده من تجي ساعته مات

هذي حقيقه ما بها شك وجدال

والادمي محسوب عمره بلحظات

واللي يجيه الموت ما عنه ينزال

ولكل مخلوقٍ مع الموت ميقات

يكون فيه نهاية العمر لو طال

وابن آدم إلى صار في عد الاموات

هنيه ان كانت موازينه ثقال

وفهد بن سلمان منيته جات

الله يغفر له ورضوانه ينال

كان بسبيل الخير جزل العطيات

بأعمال خيريه بذل وقت مع مال

له في مجال الخير كم كان وقفات

تسخي بدينه لجل خيري الاعمال

ومن جاه محتاج لقا منه فزعات

أعطاه حاجاته ولهمومه ازال

وكم من عيون لفقده تهل عبرات

ولا تلام عينٍ هلت الدمع همال

في فقده اتقدم بصدق المواساة

لك سيدي سلمان ولربي اسال

يجبر عزاكم به ويسكنه جنات

وتصبح له الفردوس مسكن ومنزال

وختامها أزكى سلام وصلوات

على الذي مبعوث هادي للأجيال