يا اخت الرياض الوقت ما دام له حال

يسقى الاوادم مر من عقب حالي

والصبر في الصدمات هو خير الافعال

والله يلهمكم بقو احتمالي

من حزنك دموعي من العين همال

فهد فقده الشعب قبل العيالي

يحسن عزاك اللي خلق كل الاجيال

ويسلم لكم سلمان طول الليالي

لو ان أبو سلطان يفدى بالاموال

يفداه ما نملك وما كان غالي

ولو ان ابو سلطان يفدونه رجال

يفدونه اللي يحتمون التوالي

لاشك هذا الوقت.. نازل ورحال

والشمس تطلع وآخرتها الزوالي

جعله مع الابرار في خير منزال

آمين يا رب عليه اتكالي