سر ياقلم سجل كلام نظمناه
من هاجس يا امير قلبي غدا به
ياسيدي نرفع خطاب المعزاه
عزيت في امير نظيف كتابه
علم سمعته جاب قلبي من اقصاه
حرك شطون القلب واخلف صوابه
على فقيد في وطنا فقدناه
فقيدنا اللي راح باول شبابه
فهد ولد سلمان زبن المخلاه
اذا استخلوا مرتخين الحزابه
عز الخوي والضيف عزٍ لمن جاه
وبيته عن اهل الطيب ماصك بابه
مرحوم ياللي تكسب المدح يمناه
مرحوم ياعز الخوي والقرابه
وعسى جنان الخلد يارب ماواه
يا الله يامنشي المطر من سحابه
يا الله ياللي تسجد الناس لرضاه
نور على قبره وخفف حسابه
وعزيت ياقصر على العز مبناه
قصر توسط نجد باعلى هضابه
يانجد راح اللي حسينه مزاياه
فقيدنا اللي راح ما اكبر مصابه
لو تنفع العبرات ولو تنفع الاه
ليهل دمع مثل وبل السحابه
على الفقيد اللي حميده سجاياه
اقصى الدول والشرق والأوسط درى به
كلام روقي من الغيض سواه
هذي تماثيله وهذا جوابه
