يالله يا المعبود يا عالي الشان

تجبر عزا سلمان زبن المْجَنِين

بعض البشر لامات مانام زعلان

وبعض العرب موته علينا شقاء عين

اهتزت لموتة فهد كل الاوطان

الله يرجح له كفوف الموازين

ولد الملوك اللي على هدي قرآن

تحكم بحكم الله شيوخ وسلاطين

فهد ولد راع المكارم كحيلان

ريف اليتاما ياعرب والمساكين

الله يجازي محسن الخلق باحسان

مطلق وثاق الهم والعسر والدين

يالله عساه بروضة الخلد وجنان

آمين ياقابل صلاة المصلين

ويالله يالمعبود ياعالي الشان

تجبر عزا سلمان زبن المجنين