فرعٍ قصف من دوحة المجد له شان
من أهل المكارم والسجايا الرفيعه
نجمٍ أفل والدار تبكي والأوطان
وشبه الجزيرة أذهلتها الفجيعه
يومٍ نعى الديوان فهد ابن سلمان
ضاقت بي الدنيا ولو هي وسيعه
مرحوم ياشيخٍ له الصدق عنوان
جامع صفات شيوخ راس الطليعه
مرحوم يا مواضب على الخمس أركان
يا مشرّع أبواب القصور البديعه
عمّرت صيتٍ بالتواضع والإحسان
وداويت جرح أهل القلوب الوجيعه
عسى حسناتك في وفاتك لك أكفان
تكون لك في وسط قبرك شفيعه
كاس القضا وارد على كل انسان
وديعه الله وتسترد الوديعه
نعزي مليك العرب في كل ميدان
فهد العرب حصن الحصون المنيعه
نعزي ولي العهد والمير سلطان
واخوان نوره مطبقين الشريعه
نعزي شيوخ المجد شيبٍ وشبّان
وسلمان اللي كل خيرٍ يشيعه
سلمان كف البر والفعل برهان
ميزان عدل وكل قرمٍ يطيعه
يلهمك رب الكون صبرٍ وسلوان
يا والد الشعب السعودي جميعه
نعزّيك باسم الجالية وشعب لبنان
منّا الوفى لاهل الجمايل طبيعه
