آه من علمٍ تبلغت به عبر الأثير
قلت ياكبر الخساره على وجه الحياه
الفراغ الي بقا فيك يادنيا كبير
لليتيم اللي نثردم عينه بعد ماه
ياهجوس الشعر تنعين الأول ثم الأخير
كيف ما تنعين والشعب كله قد نعاه
ألف ماجور من الحزن ياهاك النضير
يوم وقف وقفت اللي يبلغ بالوصاه
سيدي سلمان أحر التعازي في الأمير
وكل شعب المملكة ربنا يجبر عزاه
اشهد انه مات رجل المواقف والضمير
الأمير ابو اليتاما على ربي جزاه
عطرالله قبر اميرٍ يجير المسجير
جعلها في كفة الخير تكتب له خطاه
من شمال المملكة والجنوب إلى عسير
من دعاله بالمغفرة عسا يقبل دعاه
الله اكبر عمر من يعمل الحسنى قصير
ليت موته خذ ملايين لكن ماخذاه
والبقا لله والمركب الثابت يسير
في طريق الحق ماجاء على دربه وطاه
مركب الإسلام من نور عدلة نستنير
ثبته صقر الجزيرة على الحق وحماه
دام من بيت الزعامة لنا طفل صغير
ما يغير صفق الأمواج قصد ولاتجاه
ولاعتراض ومؤمنٍ بالقدر شروخير
وفرق خلقه مثل ما تبعد أرضه من سماه
والجروح انواع واشدها جرح الضمير
ول ياهالدهر محدٍ بيسلم من غثاه
