يوم أربعة خمسة ترا القلب محزون
وعم الحزن شرق وشمالٍ بالاوطان
وأيضا جنوب وغرب والناس يبكون
من يوم ذاعو بالعزا عند سلمان
قالو فهد في مقبر العود مدفون
والهم خيم بعد موته والاحزان
والك العزا يالي له الشعب يوفون
يا فهدنا يا ذخرنا عبر الازمان
وأيضا ولي العهد للفهد مامون
ونايف وسلمانٍ على راس سلطان
ومنهو شكا قلبٍ من الحزن مشحون
الله يعوضكم مع الصبر سلوان
وجمع البشر من كل صوبٍ يعزون
والهم واحد لو تعابيره الوان
ولولا مكانك يا فهد ثابت اركون
ما كان حزن الناس واضح بالاعيان
فو الله لو شفت البشر كيف يرثون
بتعرف فهد سلمان له عندهم شان
وانته كذلك والعرب حيل يدرون
راعا الوفا والجود وامير وانسان
تمشي طريق الخير وتقول ممنون
ياكم بذلت الود في بر واحسان
طبع وسجيه ما دفع فيه عربون
وشتان بين الناس في الطيب شتان
ناسٍ تموت وعبر يومين ينسون
سيان ظرف العيش والموت سيان
وناسٍ تموت وذكرها عطّر الكون
ولا به صحيحٍ دون حجه وبرهان
وهذي رحاة الوقت تسرع وبالهون
ودارت دوايرها وما كان هو كان
والموت عدٍ والبشر دوم يردون
سنة ولي العرش ما بين الأكوان
ولو مات أبو سلطان والناس ينعون
تبقى له الذكرى على القلب ولسان
