علم لفاني عذّب القلب بسكات

ساعة سمعته هز خافي كياني

ضاقت بي الدنيا بلحظة ولحظات

شعرت في قبّاض الارواح جاني

من يوم قالوا لي ترى عزوتك مات

وقفت من طولي وطحت بمكاني

فهد بن سلمان رجل المهمات

أمير تسمى فيه كل المعاني

رجل الكرم والخير والعدل فالذات

من جاه حقق له جميع الاماني

هذي المواقف شاهده كل ما فات

ويشهد على ما أقول والله زماني

ياليت يومي قبل يومه بساعات

يا ليت ربي ما خذاه.. وخذاني