طيارة طارت وعقلي معها طار
لين اختفت بالغيم عيني وراها
طالعتها حتى توارت بالانظار
ورجلي من الميقاف حارت اخطاها
قلبي بعدها تقل يصلى على نار
من فرقة اللي شالته في حشاها
شالت وليفٍ لي وشالت لها اصغار
وقفت ودمع العين حرق احجاها
وقفت ودموعي على الخد عبار
وتكسرت عبرات قلبي وراها
رجعت من عقبه معود على الدار
ويلاه كن الليل توه غطاها
ظلمة اغرفها لو تولع بالانوار
كنه خرابٍ مرمسٍ من بناها
عيني وقلبي بالهواجيس دوار
وناظرت بالبيبان ماحدٍ وراها
يالله ترد اللي قلت بها الاشعار
اللي بها قلبي عزاء عن سواها
كل العذارى عقبها مالها كار
وعيني بعدها ما تناظر سواها
لوجني الخفرات من كل الامصار
مالي بهن والعين تبغى هواها
تركي ويوسف وامهم شمع الدار
مادام ماجوبه قليلٍ حلاها
