شف عيون الليل عيت لا تنام

كلها خوفٍ عليك من السهر

لا تلوم القلب وأن عدا الغمام

ضاق به صدري ليالي وأنصهر

عادته وان ضاق في جنح الظلام

يشغل عيوني وياكله القهر

وأنت طيفك ما يفارق هالمنام

ألتوى به ثم شد به الظهر

وأن تعدت ليلةٍ وسط الزحام

ما لمحته صارت الليلة دهر

وانت ذكرى كم لها ذلحين عام

جاريه في داخلي مجرى نهر

أن نسيتك صاح جرح ما ينام

وأن ذكرتك ينبت بجوفي زهر

وان سريتك مالقيت ألا الهيام

وسط ليل حسبته حسبة شهر

والله أني ما خذيت من الغرام

غير جرح وجيش فرسانه سهر؟